Lehiaketak, bekak eta lanpostu eskaintzak

Lehiaketak

Eskualdea. Arabako Lurralde Historikorako komisariotza proiektu bat eta hiru ekoizpen proiektu hautatzeko lehiaketa baten deialdia

Deialdiaren oinarriaren laburpena

Komisariotza eta ekoizpen artistikoa biltzen dituen programa bikoitza da Eskualdea. Arabako Lurralde Historikoan esku-hartzea da bere helburu nagusia, arte garaikidearen eta lurraldearen arteko gurutzaketa guneak sustatzeko, landa inguruarekiko, naturarekiko eta gizarte-testuinguruarekiko elkarrizketari arreta berezia eskainiz.

Artiumek 2018an antolatu zituen Ekinean ibiltari eta arte plastikoen erakusketa ibiltaria programen jarraipena da Eskualdea, eta oraingo honetan deialdi bakarrean birformulatu da, alde batetik, Arabako lurraldeko hiru gunetan gutxienez gauzatuko den komisariotza proiektu baten hautaketa (Eskualdea Komisariotza) eta, bestetik, ekoizpen artistikoko hiru proiekturena (Eskualdea Ekoizpena), lurraldearen gune batzuetan eta besteetan aurkeztuko direnak.

Eskualdea Ekoizpena. Arabako Lurralde Historikorako artelanak ekoitzi eta erakusteko proiektuak

Lehiaketa honen xedea da Arabako Lurralde Historikoko toki batzuetan eta besteetan ikusgai jarriko diren hiru ekoizpen artistikoko proiektu hautatzea.

Derrigorrezkotzat jotzen da proposamenek eragina izatea garatuko diren kokaguneetan, deialdiaren denboran zehar antolatuko diren topaketa- eta bitartekaritza-jardueren bidez (elkarrizketak, lantegiak…).

Ekimen honekin bertako testuinguru artistikoa garatu nahi da, sorkuntza eta gogoeta garaikidea eta arabar gizartea elkarretaratu eta bategin nahi dira ahal den neurrian, eta landa inguruaren eta hiriaren arteko harremanei buruz gogoeta eginaraziko duten proposamenak sustatzea, proposamen berritzaile, esperimental eta eraginkorren bidez.

Arabako Lurralde Historikoan nahiz Trebiñu konderrian jaio edo bertan bizi diren artistei zuzendua dago deialdia, baina baita beren proiektuak, epaileen ustez, Arabako Lurralde Historikoaren testuinguru artistikoarekin lotura duten edota hartan eragin esanguratsua duten artistei ere.

Deialdi honetako proiektuetako bakoitzerako erabili ahal izango den gehieneko diru-kopurua SEI MILA EURO (6.000 €) da, BEZ barne, proposamenaren aurkezpenari erantsitako gastuen aurrekontu batean modu argi eta koherentean banatu beharko dena.

Proposamena aurkezteko epea 2019ko uztailaren 5eko 14:00etan amaitzen da.  

Eskualdea Ekoizpena. Deialdiaren oinarri osoak

Eskualdea Komisariotza

Artista garaikideen lana ezohiko testuinguruetan garatu eta ezagutarazteko komisariotza proiektu bat aukeratzea du helburu, eta hura Arabako Lurralde Historikoko gizartearen, kulturaren eta ingurumenaren errealitatearekin lotzea.

Programa honek sorkuntza garaikidea babesteko eta zabaltzeko esparru bat izan nahi du, baina garrantzi berezia eman nahi die beste alderdi batzuei ere, esate baterako herritarren garapenari, sormenari eta hurbileko kulturari, eta beraz, bertako biztanleekiko lana ezin utzizko proiektuaren zeharkako ardatz bat da. 

Hiru artistak parte hartuko dute gutxienez, eta beren proposamena bakarka ala taldean egin ahal izango dute.

Aintzat hartuko dira beren lantaldean Arabako Lurralde Historikoan nahiz Trebiñu konderrian egoitza duten artista eta artearen profesionalen (edota beren ibilbide profesionalean, epaileen ustez, arabar testuinguruarekin lotura egiaztatua izan dutenen) presentzia duten proiektuak.

Arabako Lurralde Historikoan garatzeko komisariotza-proiektu bat aurkeztu nahi duen edozein pertsona fisikok (heldua) zein juridikok dauka deialdira aurkezteko aukera, zeinahi ere dela bere herritartasuna eta bizilekua, bakarka nahiz taldean.

Deialdi hau gauzatzeko erabili ahal izango den gehieneko diru-kopurua HOGEITA HAMAR MILA EURO (30.000 €) da, BEZ barne, proposamenaren aurkezpenari erantsitako gastuen aurrekontu batean modu argi eta koherentean banatu beharko dena.

Proposamena aurkezteko epea 2019ko uztailaren 5eko 14:00etan amaitzen da.

Eskualdea Komisariotza. Deialdiaren oinarri osoak

 

Bekak

Artium Arte Garaikidearen Euskal Zentro-Museoan eta Arabako Arte Ederren Museoan ikerketa egiteko lau bekatarako deialdia

Arabako Foru Aldundiko Euskara, Kultura eta Kirol Saila

Deialdiaren laburpena (ikus oinarri osoak)

Deialdi honen xedea da lau beka ematea, lehiaketa bidez:

  • Beketatik hiru izango dira ekoizpen artistiko garaikidearen ikerketa, dokumentazioa, kontserbazioa eta haren gaineko azterlanaren zabalkundea bultzatzeko, eta Arabako Artium Arte Garaikidearen Euskal Zentro-Museoak zuzendu eta jagongo ditu.
  • Beste bat, Arabako Arte Ederren Museoaren erakusketa programatuen historikoko agirien eta argazkien artxiboaren ikerketa bultzatzeko.

Diruz lagundu daitezkeen proiektuak

a) Arabako Artium Arte Garaikidearen Euskal Zentro-Museoak zuzendutako bekak jarraian aipatzen diren ikerketa lerroetako edozeinetan garatu ahal izango dira, edo eskatzaileak proposatzen duen beste edozeinetan, baldin eta arte garaikidearen ezagutzan eta zabalkundean laguntzen badute eta museoarentzat interesgarria izan badaiteke:

  • Artiumen bildumaren arloko ikerketa: museoaren funtsaren zati diren edo harekin lotura duten egileak, obrak, aztergaiak, kronologiak, artxiboak...
  • Museoko arlo didaktikoko eta hezkuntzaren esparruko proiektuen garapeneko ikerketa.
  • Arte garaikidea zaharberritzearen arloko ikerketa bide berriak.
  • Arte garaikidearen ondare bibliografikoa eta dokumentala.
  • Arte garaikidearen museoetako bisitarien azterketa.

Artiumek izendatutako arduradun batek aholkularitza eta orientabideak eman eta jarraipena egingo dio ikerketa proiektu bakoitzari.

b) Arabako Arte Ederren Museoak zuzentzen duen bekaren kasuan, proiektuaren xedea da Arabako Arte Ederren Museoak programatutako erakusketetako agirien eta argazkien artxiboa ikertzea.

Eskabideak aurkeztea: eskabideak Arabako Foru Aldundiaren Erregistro Orokorrean aurkeztu beharko dira (Probintzia plaza, 5)

Epea: eskaerak aurkezteko epea hogei egun natural izango da deialdi hau Arabako Lurralde Historikoaren Aldizkari Ofizialean argitaratu eta hurrengo egunetik aurrera (ALHAO 2019.05.27)

Deialdiaren oinarri osoak ikusi 

 

Artiumen lan egitea

Une honetan ez dago lanpostuak betetzeko deialdirik.

Praktikak

Artiumek lankidetza-hitzarmenak ditu unibertsitate askorekin, bai Euskal Herrikoekin, bai Espainiakoekin eta baita Europakoekin ere.

Zure ikasketekin loturiko praktikak egin nahi badituzu, jar zaitez harremanetan zure Fakultean dagokion sailarekin edota Zentro-Museoko Hezkuntzaren arduradunekin 945 20 90 20 telefonoaren edota educacion@artium.org helbide elektronikoaren bidez.

Bekak

Une honetan ez dago beka-deialdirik

Becas
 

This site uses cookies and similar technologies.

If you not change browser settings, you agree to it. Learn more

I understand