Artium Museoak hainbat gune eskaintzen dizkizu zure ekitaldia egiteko, bakoitza bere ezaugarri bereziekin.

Museoko espazio bat alokatzeko eskaera egiteko, bidali mezu elektroniko bat eventos@artium.eus helbidera, gaiaren atalean «espazio-eskaera» adieraziz.

Mezu elektronikoan, espazioa eskatzen den ekitaldiaren ezaugarri nagusiak azaldu beharko dira, labur-labur.

Eskaerak ekitaldiaren data baino gutxienez bi hilabete lehenago bidali beharko dira, eta erabilgarritasun-, egokitasun- eta museoaren jarduerarekiko bizikidetza-irizpideen arabera aztertuko dira.

Harremanetan jartzeko moduak: eventos@artium.eus | 945209013 | 945209020

Espazioen alokairua

Emanaldi aretoa   

Artium Museoko Emanaldi aretoak eskaintzen duen giro atsegina ezin egokiagoa da bai parte-hartzaile kopuru txikientzat diseinatutako ekitaldietan, bai erabat betetzen dutenetan, eta izan daitezkeen behar tekniko eta ikus-entzunezko guztiak eraginkortasunez betetzen ditu.

• Edukiera: 124 lagun
• Erabilera mota: Aurkezpenak, hitzaldiak, mahai-inguruak…
• Nabarmentzekoak:
  • Mahai osagarria eta audio-konexioa dituzten 124 besaulki.
  • 2 proiekzio modu: hitzaldi-formatua eta formatu profesionala (zinema).
  • Aldibereko itzulpenerako 2 kabina eta ikus-entzuleentzako entzungailuak.

Plaza aretoa

Plaza aretoa 200 m2-ko espazio gardena da eta museoaren Barruko Plazarekin lotuta dago.
Bere diseinu berezia dela-eta, moldakortasun handiko espazioa da, eta oso ezaugarri desberdineko ekitaldiak burutzeko gune bihur daiteke.

• Edukiera: 216 lagun.
• Erabilera mota: hitzaldiak, aurkezpenak, taldeka lan egiteko lantegiak…

Atari nagusia

Artium Museoaren Atari nagusia oso espazio berezia da. Bi protagonista ditu: Javier Pérezen Un Pedazo de Cielo Cristalizado instalazio erraldoia eta Joan Miróren eta Llorens Artigasen Mural de la Cinémathèque de París. Esperientzia gogoangarri baterako lekua.

• Edukiera: 120 lagun.
• Erabilera mota: Harrera-jaiak, aurkezpenak, koktelak…
• Erabilgarritasuna: museoa ixten den orduetan.