Artiumen lan egitea

Artium Museoak, Euskal Herriko Arte Garaikidearen Museoak, Marketin eta Komunikazio teknikariaren plaza bete behar du

Marketin eta Komunikazioko arduradunekin batera lan egingo du, bi lan-arloekin lotutako eginkizunak garatzeko.

Profila Arte eta Giza eta/edo Gizarte eta Lege Zientzien jakintza-adarren barruan goi-mailako unibertsitate-titulazioa duen pertsona bati dagokio, eta Marketinaren eta/edo Komunikazioaren eremuko proiektu kultural eta/edo artistikoetan hiru urte baino gehiagoko esperientzia frogagarria izan beharko du.

Hautagaiak kulturarekin eta arte garaikidearekin lotutako argitalpenei eta komunikazio-materialei, sare sozialei, edukiei eta web-posizionamenduari buruz dituen ezagutza teorikoak eta praktikoak baloratuko dira.

Era berean, Artium Museoaren edukien komunikazio-euskarrietarako testuak idazteko eta irudiak, bideoak eta bestelako elementuak editatzeko gaitasuna baloratuko da, bereziki ingurune digitalaren, webgunearen eta sare sozialen bidez, eta baita diseinu grafikoari buruzko ezagutza ere.

Hautagaiek talde-lanerako, antolatzeko eta zereginak aldi berean egiteko gaitasuna izan beharko dute, eta baita kanpoko harremanetarako ere. Proaktibitatea, sormena eta prestasuna behar dira, eta baita kulturarekiko, arte garaikidearekiko eta kultura-erakundeekiko sentikortasuna eta isuria ere.

Euskararen ezagutza C1 mailaren baliokidea izatea eskatzen da, eta ingelesaren eta beste hizkuntza batzuen ezagutza ere baloratuko da.

Lanean Berehala hastea, kontratu mugagabea eta lanpostuaren mailari eta ezaugarriei dagozkien ordainsaria eskaintzen dira.

Eskaerak jasotzeko epea 2022ko martxoaren 4an amaituko da.

Lanpostuari buruzko informazioa eskuratu eta deialdira aurkeztu nahi duten interesdunek honako esteka honetan aurkituko dute horretarako modua.

Datu Pertsonalak Babesteko eta Eskubide Digitalak Bermatzeko Legeari (3/2018 Lege Organikoa, 2018ko abenduaren 5ekoa) jarraituz tratatuko dugu jasotzen dugun informazioa.

Lehiaketak eta bekak

Juncal Ballestín Ikerketarako Nazioarteko Beka

Artium Museoko, Euskal Herriko Arte Garaikidearen Museoko Euskal Emakume Artisten, eta Praktika artistiko eta Artearen Teoria feministen Ikerketa eta Dokumentazio Zentroari atxikitako beka

Deialdi honen xedea ikerketa-proiektu bat hautatzea da, honako helburu hauek izango dituena:

• Arte feministaren historiografia garatzea, bai Euskal Herrian, bai nazioartean.
• Museoko programei eta Bildumari lotutako artisten eta pentsalarien ekoizpenak aztertzea

Deialdi honetara edozein nazionalitatetako ikertzaileak aurkeztu ahal izango dira, adin-mugarik gabe, nahiz banaka, nahiz hautagaitza bateratua aurkezten duen kolektibo baten kide gisa.

Eskatzaileek bekaren iraunaldian garatzekoa izango den ikerketa-proiektu bat aurkeztu beharko dute. Proiektu horrek argitaratu gabea izan beharko du, eta gauzatzeko fasean egon ahal izango da, edo bekaren iraunaldian amaitu.

Ikerketa garatzeko bideratutako gehieneko zenbatekoa 7.000 eurokoa da, eta honako hauek jaso beharko ditu: ikertzaile(ar)en ordainsariak, ikerketaren garapenak eragindako gastuak (bibliografia, dokumentazioa eta bestelako materialak), eta onuradun(ar)en bidaia-gastuak, dietak eta egonaldiak.

Bekaren xede den lanak ondoz ondoko bederatzi hilabeteko iraupena izango du, bekadun(a)(e)k beka idatziz onartzen du(t)enetik kontatzen hasita, hamaikagarren oinarrian adierazitakoari jarraituz.

Eskabideak aurkezteko azken eguna 2002ko otsailaren 18a da.

Deialdiaren oinarri osoak ikusi  Eskabide-orria 

Euskal Emakume Artisten Ikerketa eta Dokumentazio Zentroa 

Praktikak

Artiumek lankidetza-hitzarmenak ditu unibertsitate askorekin, bai Euskal Herrikoekin, bai Espainiakoekin eta baita Europakoekin ere.

Zure ikasketekin loturiko praktikak egin nahi badituzu, jar zaitez harremanetan zure Fakultean dagokion sailarekin edota Zentro-Museoko Hezkuntzaren arduradunekin 945 20 90 20 telefonoaren edota educacion@artium.eus helbide elektronikoaren bidez.