Ostirala, 2024(e)ko Martxoaren 15a 10:16

Larunbatean, 'ALLES' dantza eta ahots ikuskizuna amaraunan, Artium Museoaren familientzako jarduera programan

Ahotsa eta gorputza erabiliz, Angela Peris eta Koldo Aróstegi dantzariak ur, lurrikara edo helikoptero bihurtzen dira

amarauna apirilean eta maiatzean izango dugu berriz ere gurekin, Larraitz Torresen, eta Amaia Egidazu eta Saroa Bikandiren lantegi eta emanaldiekin

Euskal Herriko Arte Garaikidearen Museoak, Artium Museoak, ALLES ahots eta dantza ikuskizuna eskainiko du datorren larunbatean, martxoak 16, arratsaldeko bostetan. ALLES Koldo Arostegui eta Angela Peris koreografo eta dantzarien sorkuntza da eta 150 aldiz baino gehiagotan antzeztu da hamar herrialdetan. Programa familientzako amarauna programaren barruan kokatzen da eta 4 urtetik gorako haurrentzat pentsatuta dago, heldu bat lagun dutela. Egitarauko jarduerak hileroko hirugarren larunbatean egiten dira, doakoak dira eta komenigarria da aurretik izena ematea 945 20 90 20 telefonoan.

ALLES dena aldi berean egitea da. Ahotsa eta gorputza erabiliz, Angela eta Koldo ur, lurrikara edo helikoptero bihurtzen dira. Abestiak abesten dituzte, hip hop erritmoak muntatzen dituzte, lurra desegiten dute harpa bihurtzeko... eta oihartzun bat bezala, Carmen Mirandaren abestiak. Unibertsoa izugarria da eta Angela eta Koldok modu erritmiko eta dinamikoan ospatzen dute.

ALLES 150 aldiz baino gehiagotan dantzatu da 10 herrialdetan, besteak beste: Festival Hommik (Estonia), Imaginate Festival (Eskozia), Krokkus Festival Hasselt eta Kopergietery (Belgika), Festival Starcke Stucke, Tanzhaus NRW eta Think Big Festival (Alemania), Danstationen Malmö (Suedia), Casa Encendida eta Teatro Pradillo (Madril), Swoop Festival (Danimarka) Kikker Theatre (Utrech, Holanda)...

Sortzaile eta interpreteez gain, Angela Perisek eta Koldo Arostegik esperientzia handia dute haur eta nerabeei dantza eta arte ikastaroak ematen. Bere lan artistikoa gorputzetik igaroko diren lengoaia berriak bilatzera bideratzen da. Ahotsaren eta gorputzaren, dantzaren eta keinuaren arteko mugak aztertuz, eta ikusleengandik hurbilen egoteko aukera ematen dien performatibitatea bilatuz.

Artium Museoak martxoan, apirilean eta maiatzean bere publiko gazteenari dei egingo dio berriz ere amarauna programako beste hainbeste jardueratan parte hartzeko. Martxoaren 16an, larunbata, Ángela Perisek eta Koldo Arostegik ALLES dantza eta ahots ikuskizuna aurkeztuko dute; apirilaren 20an, Larraiz Torres artistak hitza eta marrazkia uztartzea proposatuko du Izenak izanak lantegian; eta maiatzaren 18an, Amaia Egidazuk eta Saroa Bikandik Poltsikorako poemak muntaia eskainiko dute, ahotsa, gorputza eta irudia elkartzen dituen errezital poetiko batean.

 

This site uses cookies and similar technologies.

If you not change browser settings, you agree to it. Learn more

I understand