Erosi sarrerak
PROGRAMA PUBLIKOAK
Trama
Irailaren 26an (ostirala), 27an (larunbata) eta 28an (igandea)
TRAMA programak mugimenduan dagoen irudia eta artearen eta pentsamenduaren beste diziplina batzuekin duen harremana aztertzen du. Bigarren edizio honetako programak ekofeminismoak eta ingurumen-justizia ditu ardatz nagusi, eta lurraldearekiko harremana eta hark bizi dituen gatazkak hedatzen eta aztertzen dituzten ikerketa artistiko ekokritikoen jardunbideei arreta jartzera gonbidatzen du.
TRAMA Garbiñe Ortegak eta Arantza Santestebanek komisariatutako Artium Museoaren programa bat da.
Jarduera guztiak doakoak dira baina kontuan izan tokia mugatua dela; Yayo Herreroren lantegian berriz lagun-talde mugatu batek parte hartu ahal izango du eta horretarako motibazio gutun bat bidali beharko da (gehienez 200 hitz) irailaren 15a baino lehen, izen-emateak@artium.eus helbidera; azkenik, Idoia Zabaletaren performancean (65 min) parte hartzeko izena emandako hurrenkera izango da kontuan, hori ere izen-emateak@artium.eus helbidean.
Lotura mekanikoak III. Praktika performatiboak museoan
Urriaren 17an (ostirala) eta 18an (larunbata)
Lotura mekanikoak performance-zikloaren hirugarren edizioak espazioak aktibatzeko aukerak aztertzen jarraitzen du, ahots ugarirekin enuntziazio-leku berezietatik performancea jorratzen duten artisten lanaren bidez. Asteburu batean Artium Museoko espazioetan bilduta, lanak beren espezifikotasunetik artikulatzen dira, aldi berean testuinguru jakin batean bizi den eta testuinguru berri bat sortzen duen esperientzia bat eraikitzeko.
2025ean, Lotura mekanikoak urriaren 17tik 18rako asteburuan egingo da, eta ondokoak izango dira parte-hartzaileak: Ángela Millano, Leonor Leal, Patrick Hamilton, Clo Plas (Xiana Arias eta Berio Molina), María Salgado eta Estanis Comella.
Iñaki Martínez Antelok eta Catalina Lozanok komisariatutako Artium Museoaren programa bat.
Aurki aurkeztuko da programa osoa
Sarrera doan. Toki mugatua. 17tik19ra bitarteko asteburu osoan Museoko sarrera doan izango da.
Bertso-saio espekulatiboa
Azaroaren 8an, larunbata, 12:00etan
Azaroaren 7an, ostirala, museoak The Land Shall Not Be Owned erakusketa inauguratuko du, Marwa Arsaniosen (Washington. D.C., 1978) lanaren atal berri bat, lurra banatzeko eta erauzteko politikari buruzkoa, Kurdistanen, Iraken, Siriako ipar-mendebaldean, Kolonbian eta Libanon lurra erreklamatzeko borroketan oinarritua.
Erakusketa horren esparruan, Artium Museoak, consonnirekin lankidetzan, Zirroborroak eta gero proiektuan inspiratutako bertso-saio bat antolatu du. Argitaletxearen bilduma horrek kontakizun laburrak biltzen ditu, gaur egun dauden esperientzia zehatzetatik abiatuta etorkizun alternatibo eta utopikoak irudikatzen dituzten alegiak.
Testuinguru horretan, Uxue Alberdi, Unai Iturriaga eta Sustrai Colina bertsolariek bat-bateko saio bat egingo dute bi proiektuetako kezka nagusien inguruan, eta Ainhoa Urien izango dute lagun, gai-jartzaile.
HEZKUNTZA ETA FAMILIA-PROGRAMAK
amarauna
Hileroko programa. Hilaren hirugarren larunbatean, arratsaldez.
amarauna hilean behin egiten den familientzako programa bat da, hainbat hizkuntza artistikotara hurbiltzea proposatzen duena. Dantza, musika, arte eszenikoak, antzerkia eta narrazioa elkartzen dira, eta sortzen den giroan helduek eta txikiek arteaz batera gozatzen dute.
6 urtetik aurrerako haurrentzat, heldu bat lagun dutela.
Doako jarduera. Toki mugatua. Komenigarria da erreserba egitea: 945 20 90 90 (erreserbak jarduera hasi biaino hamar minutu lehenagora arte gordeko dira).
2025-2026ko eskolako programak
Irailaren 1etik zabalik dago Artium Museoaren 2025-2026 ikasturterako eskola-programetan izena emateko epea, maila guztietara egokitutako proposamenekin, haur hezkuntzatik hasi eta unibertsitateraino. Programa horietan, artearen bidez, elkarrizketa-gune bat sortu nahi da museoko eragile guztientzat: ikasleentzat, irakasleentzat eta hezitzaileentzat, eskola-curriculumaren eta museoaren edukiak integratuz, talde bakoitzaren beharrei egokitutako prozesu batean.
Artium Museoaren eskola-programen eskaintza zabala artium.eus webgunean argitaratuta dago, baita programa horietan izena emateko modua ere. Programa guztiak doakoak dira.
PRESTAKUNTZA PROGRAMAK
Praktika museologikoak eta diskurtso kritikoak arte garaikidean
Unibertsitate Hedakuntzako Ikastaroa, Gasteizko UNED Ikastegiak eta Artium Museoak antolatua
Ikastaroak ibilbide oso bat eskaintzen du gaur egun arte garaikideko bildumen eta erakusketen kudeaketa osatzen duten praktika profesionaletan barrena, bai eta horiek zeharkatzen dituzten esparru diskurtsibo eta estetikoetan barrena ere. Sei saio espezializaturen bidez, museo garaikide batean erregistratu, dokumentatu, kontserbatu eta komisariatzeko eginkizunak sakonki ezagutuko dituzte ikasleek, eta, aldi berean, egungo praktika artistikoen berri ematen duten eztabaida filosofiko, estetiko eta politikoak aztertuko dituzte.
Proposamena Artium Museoaren esperientzian eta benetako kasuetan oinarrituta dago, eta museologia teoria kritikoarekin, estetika garaikidearekin eta antropologia kulturalarekin lotzen duten diziplinarteko ikuspegi batetik egiturata.
Aurrez aurrekoa (doan) eta online (matrikula, 40 €)
Urriaren 1etik azaroaren 5era (astean behin, 10:00etatik 12:30era)
ZINEMA
Klasikoak. Euskadiko Filmategia
Urriaren 1ean hasiko da Artium Museoan Klasikoak, Euskadiko Filmategiak Donostia Zinemaldiaren laguntzarekin antolaturik museoa egoitza duen zinema-programaren edizio berri bat. Zikloak zinema unibertsalaren historiako hainbat klasiko zahar eta moderno berreskuratzera gonbidatzen du eta Notorious [Encadenados] (Alfred Hitchcock, 1946) izango da proiektatuko den lehen filma.
Nobedade gisa, emanaldiak asteazkenetan izango dira, ostegunetan izan beharrean. Zikloak abendura arte iraungo du eta 12 saio izango ditu.
CinémArtium
Artium Museoak, Institutu Frantsesarekin lankidetzan, zinema-saioak proposatzen ditu jatorrizko bertsioan, frantsesez, museoko Emanaldi aretoan, hileko azken astearteetan. Udazken honetako lehen filma Les goûts et les couleurs (Michel Leclerc, 2022) izango da, irailaren 30ean, asteartea.